80% e xhamive të Mumbait ndalojnë përdorimin e altoparlantëve për sabahun pas kërcënimit të Thackeray, liderit të së djathtës ekstreme në Indi
Në Mumbai, 80% e xhamive kanë ndaluar transmetimin e Azanit të mëngjesit ose lutjes përmes altoparlantëve, thanë burimet policore të martën, më 19 prill.
Zhvillimi ndodh në mes të një polemike politike të ndezur nga kërkesa e shefit të MNS Raj Thackeray që altoparlantët të hiqen nga xhamitë në Maharashtra deri më 3 maj.
Në orën 5 të mëngjesit, ofrohet Ezani i parë i ditës.
Një zyrtar policor raportoi se 80% e xhamive ndaluan së përdoruri altoparlantët për lutjet e mëngjesit, ndërsa shumë të tjera ulën volumin.
Disa udhëheqës fetarë u takuan kohët e fundit me policinë në një përpjekje për të ruajtur ligjin dhe rendin në qytet pasi shpërtheu një mosmarrëveshje për altoparlantët, tha ai.
Sipas zyrtarit policor, ata duhet të marrin lejen e altoparlantit dhe të ndjekin udhëzimet e Gjykatës së Lartë për të parandaluar ndotjen akustike.
Ata që shkelin ligjin do të dënohen rëndë, tha ai.


