Krimet kundër myslimanëve janë rritur me 51% në Suedi pas djegies së Kuranit
Myslimanët janë grupi fetar më i shpeshtë i shënjestruar nga krimet e urrejtjes në Suedi.
Akti provokues i fundit i djegies së Kuranit nga një politikan ekstremist Rasmus Paludan, jashtë ndërtesës së Ambasadës Turke në Suedi ka nxjerrë në pah shënjestrimin e muslimanëve në vend. Një raport i publikuar nga Këshilli Kombëtar i Parandalimit të Krimit të Suedisë në vitin 2021 zbuloi se muslimanët mbanin peshën e më shumë se gjysmës (51 përqind) të të gjitha krimeve të urrejtjes kundër grupeve fetare që ndodhën gjatë gjithë vitit 2020 në Suedi.
Raporti shtoi se hebrenjtë përballen me 27 për qind të krimeve të urrejtjes në Suedi, ndërsa të krishterët dhe grupet e tjera janë në shënjestër në 11 për qind të incidenteve.
Në mesin e viktimave, gratë muslimane dhe hebreje kanë më shumë gjasa se burrat të jenë objektiva e krimeve të urrejtjes.
Krimet që lidhen me fenë dihet se përbëjnë 18 për qind të numrit të përgjithshëm të incidenteve që konsiderohen krime të urrejtjes në Suedi.
Sipas raportit, 55 për qind e 4000 krimeve të raportuara të urrejtjes në Suedi ishin të motivuara racore.
Ky numër shqetësues shtohet nga Raporti i vitit 2021 mbi Lirinë Fetare nga Departamenti i Shtetit i Shteteve të Bashkuara (SHBA), i cili thotë se ka ende shumë krime të urrejtjes në Suedi që nuk raportohen në polici për arsye të ndryshme.
Numri i muslimanëve vetëm në Suedi vlerësohet të arrijë në 810 mijë njerëz ose rreth 8.1 përqind e popullsisë së përgjithshme në vitin 2016. Numri i muslimanëve parashikohet të rritet në 1.1 milion njerëz ose 11.1 përqind të popullsisë në vitin 2050 në një skenar minimal emigrantësh .
Ndërsa në skenarin maksimal të emigrantëve, numri i myslimanëve parashikohet të jetë 4.4 milionë ose 30.6 për qind e popullsisë së përgjithshme.
Këto të dhëna janë rezultat i llogaritjeve të institutit kërkimor Pew, i cili studion rritjen e myslimanëve në Evropë. Ndërkohë nga qeveria suedeze nuk ka të dhëna zyrtare për numrin e myslimanëve.
