Që nga dita e rihapjes për ceremonitë fetare më 24 korrik 2020, pas 86 vitesh, xhamia Hagia Sophia në Stamboll është vizituar nga më shumë se 3.5 milion njerëz.
Ferruh Mustuer, i cili ka punuar si imam në Hagia Sophia për më shumë se një vit, tha: "Që kur Hagia Sophia u rihap për adhurim, interesimi për ta vizituar atë është i madh, dhe deri më tani më shumë se 3.5 milion njerëz kanë vizituar xhaminë. Sidomos të Premteve, të Shtunave dhe të Dielave, numër i vizitorëve tejkalon 30 mijë. Atmosfera në ditën e hapjes së xhamisë ishte impozante. Interesimi për xhaminë nuk është zvogëluar. Ka interesim nga e gjithë bota. Një person nga Kanadaja i magjepsur nga bukuria e Hagia Sophisë, u inteseua rreth Islamit, dhe tha: 'Unë dua të përqafoj Islamin në këtë xhami.’ Një numër i madh i çifteve nga të gjitha pjesët e Turqisë dhe Evropës shprehin dëshirën të kenë një martesë fetare në Shën Sofia”.
"Deri më tani, nuk ka pasur asnjë problem në xhaminë tonë lidhur me pandeminë. Në vendet e shënuara, zyrtarët tanë po drejtojnë xhematin tonë dhe turistët që vijnë në xhami. Pas çdo lutjeje, ne zbrazim plotësisht pjesën e brendshme të xhamisë, dhe e ajrosim atë. Një herë në javë, xhamia dezinfektohet. Kongregacioni ynë i bindet rreptësisht rregullave. "
"Unë e konsideroj veten me fat që jam imam në këtë xhami”, përfundoi Mustuer.
Shën Sofia shërbeu si kishë për 916 vjet, deri në marrjen e Stambollit. Statusin e xhamisë e kishte nga viti 1453 deri më 1934, kur mori statusin e muzeut.
Më 10 korrik 2020, një gjykatë turke anuloi vendimin e ish qeverisë së Turqisë, e cila i dha Shën Sofisë statusin e një muzeu më 24 nëntor 1934. Duke anuluar vendimin e përmendur, statusi i xhamisë iu rikthye Shën Sofisë.
Që nga viti 1985 Hagia Sophia është përfshirë në Listën e Trashëgimisë Botërore të UNESCO-s si një nga destinacionet më të vizituara turistike.
Nga Kristjan Pashollari7 Tet 2021 5k
Më shumë se 3.5 milion njerëz vizituan Hagia Sophian pas rikthimit në xhami
Në trend

Si bëhet mysliman Mike Tyson
5 Maj 2024 1 min lexim 22

Profesionet e profeteve
4 Maj 2024 1 min lexim 23
