Mësueses Remzije Lezi nga Reshtani i Suharekës tashmë i është shqiptuar vendimi për moslejimin e ushtrimit të profesionit të saj si mësuese pranë shkollës Flamuri i Arbërit për shkak të SHAMISË.
Këtë vendim e ka lëshuar Drejtori i kësaj shkolle Liman Bytyçi në të cilën thuhet:
“Në mbledhjen e Keshillit Drejtues të Shkollës të mbajtur më 26.08.2022 bordi
Vendosi:
Që duke u mbështetur në UA.nr.03 |2016, neni 3 pika 7, që ndalon bartjen e uniformës fetare, i gjithë Këshilli unanimishtë vendosi, që,nuk i lejohet arsimtares së matematikës, z.Remzie Lezi të ushtrojë profesionin e mësuesisë në shkollën tonë me uniforme fetare.
Reshtan:29.08.2022
Kryetari i KDSH/së:
Shpejtim Bytygi
Drejtori:
Liman Bytyçi”
Vlen të thuhet se në Kosovë kohët e fundit ka patur shumë debate rreth kësaj teme, pasi janë të shumtë ata qytetarë që kërkojnë që ky vendim i Ministrisë së Arsimit të shfuqizohet.
Por Ministria e ka ritheksuar disa herë se nuk do të heqë dorë nga ky vendim dhe se veshjet fetare nuk do të lejohen në shkolla.



