Pothuajse një milion e gjysmë njerëz kanë kaluar nëpër portat e Xhamisë së Madhe në Mekë, Arabinë Saudite, në dhjetë ditët e para të Ramazanit 2021.
Njerëzit që kryejnë pelegrinazhin Umrah si dhe adhuruesit e tjerë kanë qenë në gjendje të vizitojnë vendin më të shenjtë të Islamit gjatë një pandemie ndërsa masat paraprake po zbatohen, sipas Agjencisë zyrtare Saudite të Shtypit (SPA).
Kapaciteti i Oborrit Mataf, ku adhuruesit ecin përgjatë shtigjeve që rrethojnë Kabaa, është zgjeruar për të lejuar të pranishmit të mbajnë distancën nga njëri-tjetri dhe të ulin mundësinë e infektimit.
Hyrja në Xhaminë e Madhe kontrollohet përmes aplikacionit Earmarna, përmes të cilit pelegrinëve u caktohen hapësira kohore specifike. Vizitorët duhet të vaksinohen dhe maskat janë të detyrueshme.
Lejet zyrtare janë të nevojshme për të kryer Umren këtë vit. Zyrtarët sauditë thanë në fillim të këtij muaji se kushdo që përpiqet të kryejë pelegrinazhin pa marrë një leje do të ishte përgjegjës për një gjobë prej 2,666 $ (10,000 riyal saudit).
pregatiti:bota-islame.com


