Me date 2 gusht, në SHMI Medreseja “Isa Beu” - Shkup, u mbajt takimi tradicional i organizuar nga Rijaseti i BFI-së së RMV-së për nder të Qendrave Islame Shqiptare në Diasporë. Në takim morën pjesë kryetarët e Unioneve të Qendrave Islame të Diasporës, imamët, kryesitë e Xhamive, muftinjtë e BFI-së, drejtorët e sektoreve të Rijasetit dhe profesorët e Medresesë.
Kryetari i BFI-së së RMV-së, Reisul Ulema H. Hfz. Shaqir ef. Fetai, theksoi rëndësinë e përkushtimit të pjesëmarrësve në organizimin e jetës fetare në vendet e tyre dhe kontributin e tyre në ruajtjen dhe zhvillimin e vlerave morale fetare dhe kombëtare.
Në takim folën edhe drejtori i përgjithshëm i SHMI Medreseja “Isa Beu”, Dr. Islam Islami, ish drejtori i sektorit të Diasporës, aktualisht Mufti i Tetovës, Dr. Hfz. Selver ef. Xhemaili, dhe përfaqësues të tjerë të komunitetit islam nga diaspora.
Në fund të programit, Reisul Ulema shpërndau mirënjohje për Qendrat Islame Shqiptare të Diasporës, duke vlerësuar lartë kontributin e tyre në ngritjen dhe avancimin e institucioneve edukativo arsimore të BFI-së. Programi përfundoi me një darkë simbolike për të pranishmit në restorantin e Medresesë./bota-islame.com
