Myftiu Tërnava vizitoi Zyrën Qendrore të Qatar Charity në Doha

Kryetari i Bashkësisë Islame të Kosovës, Myftiu Naim ef. Tërnava, sot gjatë ditës ka vizituar Zyrën Qendrore të Qatar Charity në Doha të Katarit.

Myftiu e falënderoi nikoqirin për përkrahjen dhe kontributin e ofruar nga shteti i Katarit për Kosovën në përgjithësi, si dhe për ndihmën që ka ofruar Shoqata e Katarit, e cila vepron në Kosovë që nga pas lufta.

Nga ana e tij, z. Al-Hammadi, e falënderoi Myftiun për vizitën, duke shprehur kështu gatishmërinë e bashkëpunimit me Bashkësinë Islame të Kosovës.

Në fund të takimit, të dyja palët u pajtuan që të vazhdojnë bashkëpunimin ndërmjet tyre në fusha të ndryshme, në interes të qytetarëve të Kosovës.