Prof. Ali Xhuma është një dijetar, mendimtar dhe njëkohësisht ish-Myftiu i Madh i Egjiptit.
Ai ka reaguar me anë të një mesazhi ngushëllimi për ndarjen nga kjo jetë e mendimtarit, Fethullah Gylen.
Mesazhi i prof. Ali Xhumas është si më poshtë:
Mendimtari i urtë sufi, njeriu i dialogut dhe i tolerancës, predikuesi dhe shkrimtari, dijetari Muhamed Fethullah Gylen, një jetë në rrugëtimin e ëmbël të bazuar në shërbimin ndaj Islamit, përhapjen e parimeve të tolerancës dhe bashkëjetesës me të tjerët, ka ndërruar jetë dhe ka kaluar tek mëshira e Allahut (xh.sh).
Gyleni lindi në një familje fetare, të njohur për moralin dhe devotshmërinë e saj. Ai e përfundoi mësimin përmendësh të Kuranit Fisnik në moshë të re nëpërmjet nënës së tij të virtytshme.
Më pas filloi të merrte shkenca fetare nga dijetarë të njohur, ndër të cilët më i shquari ishte Osman Bektash, ku studioi gramatikën, retorikën, jurisprudencën, parimet e jurisprudencës dhe besimit. Por në veçanti ai i kushtoi vëmendje të madhe “Mesazheve të Dritës” nga dijetari i njohur Bediuzaman Said Nursi dhe u ndikua shumë nga parimet dhe metoda e tij.
Ai e filloi misionin e tij të predikimit në Izmir dhe më pas punoi si predikues shëtitës. Ai udhëtoi në të gjithë Anadollin perëndimor dhe mbajti seminare, këshilla dhe takime të veçanta, të cilat kontribuan në njohjen e tij, aq sa ndjekësit e tij në Turqi themeluan shumë shkolla dhe departamente të brendshme, botuan gazeta dhe revista, hapën shtëpi botuese, radio dhe kanale televizive. Më pas, këto institucione arsimore u përhapën në të gjithë botën mbarë.
Atij i takon merita për themelimin e “Lëvizjes së Shërbimit”, e cila është një lëvizje e shoqërisë civile që përvetëson një filozofi arsimore të përqendruar tek vlerat universale njerëzore. Parimi themelor i kësaj lëvizjeje është veprimi pozitiv dhe konstruktiv. Qëllimi i saj është ringjallja e vlerave fetare, morale dhe globale, si dhe përhapja e tyre përmes edukimit, dialogut dhe punës bamirëse. Gjithashtu, kjo lëvizje ka një kontributit i veçantë në përpjekjet për arritjen e paqes globale.
Mendimtari Fethullah Gylen besonte në parimin e hapjes ndaj gjithë botës dhe informimit të gjithë botës se Islami nuk bazohet në terrorizëm - siç e portretizojnë armiqtë e tij - dhe se ekzistojnë fusha të gjera bashkëpunimi midis Islamit dhe feve të tjera, larg ekstremizmit dhe dhunës.
Ai u la nxënësve dhe dashamirëve të tij mbi 60 libra, nga të cilët afro tridhjetë janë përkthyer në gjuhën arabe. Përmes këtyre librave, ai u përpoq të zgjonte një vetëdije të re islame tek njerëzit dhe t'u shpjegonte lexuesve të tij konceptin e bashkëjetesës islame dhe ecjes në rrugën e moderuar larg dhunës dhe ekstremizmit. Ai mori shumë çmime për librat e tij, shumica e të cilëve ishin rreth botës shpirtërore në Islam, kuptimi i fesë dhe sfidat me të cilat përballet Islami sot.
Ai gjithashtu shkroi një libër të kohëve të fundit mbi biografinë e Profetit Muhamed (s.a.s.) të quajtur “Drita e Pashuar”.
Një nga gjërat më të vyera që ai u la të dashurve të tij, ishte libri i lutjeve “Zemrat e përvëluara”, një koleksion lutjesh të zgjedhura nga koleksionet e njohura si "Muxhmeatul-Ahzab" të Shejh el-Kemashkhanui (Zoti e mëshiroftë).
Allahu e mëshiroftë atë dhe e vendostë në kopshtet e larta të Xhenetit.
https://www.facebook.com/share/p/8i4KdpFNwwKGyX1P/?mibextid=WC7FNe
