Nga Kristjan Pashollari27 Qer 2024 8.3k
Opinion

Çfarë kuptimi do të kishte dynjaja pa vdekjen?

Çfarë kuptimi do të kishte dynjaja pa vdekjen?

Nga Dr. Mustafa Mahmud

Imagjinoje këtë botë (dynjanë) pa vdekjen, pa botën tjetër! Një botë qysh nga Ademi a.s. dhe që vazhdimisht mbushet e stërmbushet dhe vdekje nuk ka. Me njerëz, gjallesa, insekte, bretkosa, kullosa dhe krimba... Procesi i grumbullimit vazhdon, njerëz që u ngjiten të tjerëve mbi supe, duke ua bllokuar rrezet e diellit, ndërkohë që jeta vazhdon të ngushtohet dhe të të zë frymën!

Çdo gjallesë e do veten dhe e do secilin moment të jetës, qoftë ai edhe shumë i shkurtër, prandaj dhe e urren vdekjen. Por është vdekja ajo e cila e do momentin, kohën dhe e do të ardhmen. Prandaj njerëzit bien nga sita e saj siç bie mielli i bluar, ashtu që të vijnë njerëz të tjerë, ndoshta më të mirë e më të ndershëm, duke u ndërruar gjeneratat, brez pas brezi.

Vdekja është një proces montimi që funksionon në tërë shiritin ekzistencial, duke e ndarë atë në disa pjesë (klipe) reale dhe të vërteta dhe se secila pjesë ka jetën dhe jetëgjatësinë e kufizuar./ Botaislame24