Siç raportohet nga faqja zyrtare e Haramain Sharifain, bëhet e ditur se Arabia Saudite ka lejuar rifillimin e ritualit të I’tikafit në Dy Xhamitë e Shenjta gjatë Muajit të Shenjtë të Ramazanit, pasi ishte pezulluar për dy vjet për shkak të pandemisë COVID-19.
Ajo u transmetua drejtpërdrejt nga kreu i Presidencës së Përgjithshme për Çështjet e Dy Xhamive të Shenjta, Dr. Abdul Rahman Al-Sudais. Ai shpjegoi se regjistrimi për I’tikaf në Dy Xhamitë e Shenjta që do të bëhet në dhjetëditëshin e fundit të Ramazanit, do të hapet më 25 Sha’ban (28 Mars) dhe do të mbyllet më 10 të Ramazanit.
I’tikafi është rituali i qëndrimit në xhami për dhjetë ditët e fundit të Ramazanit për t'iu përkushtuar adhurimit dhe për t'u larguar nga punët e kësaj bote. Në Ramazan 2020, I’tikafi në Dy Xhamitë e Shenjta u pezullua për shkak të shpërthimit të pandemisë COVID-19 dhe vazhdoi deri në Ramazan të vitit 2021 si masë parandaluese kundër përhapjes së koronavirusit.
Zbatimi i I’tikafit në Dy Xhamitë e Shenjta këtë Ramazan do të monitorohet dhe nën mbikëqyrjen e drejtpërdrejtë të presidentit të përgjithshëm, Këshillit Koordinues dhe ekipit në terren.
Al Sudais shpjegoi se pelegrinët e mundshëm të interesuar për të bërë I’tikaf mund të regjistrohen së shpejti në portalin online të ofruar nga Presidenca.
Po ashtu, Presidenca do të ndajë dollapët dhe dhomat për aplikantët duke filluar nga data 16 Ramazan. Në vitin 2019, Presidenca u dha besimtarëve dollapë me çelësa për të ruajtur gjërat e tyre, duke përfshirë një qilim lutjesh, jastëk, çarçaf të lehta dhe rroba ihrami.
Në vitet e mëparshme, Dy Xhamitë e Shenjta zakonisht mbusheshin me më shumë se 100,000 besimtarë që kryenin Itikafin gjatë dhjetë ditëve të fundit të muajit të shenjtë.
Personat që dëshirojnë të regjistrohen në Itikaf mund të regjistrohen në linkun e mëposhtëm:
Xhamia Al Haram- Qabeja, Mekë: https://bit.ly/3qlx6HU
Xhamia E Profetit, Medine: https://bit.ly/3Nwf4Ck
