MEKKA – Është zbuluar pamja e re e zgjerimit të Xhamisë së Madhe. Në një video të shpërndarë në internet, shihet se të gjitha rrugët për në Mesxhid al-Haram do të pësojnë një ndryshim të rëndësishëm.
Gjatë gjithë vitit, Arabia Saudite mirëpret miliona haxhinj që vijnë në Mbretëri për të kryer pelegrinazhin, Umren.
Arsyeja kryesore e zgjerimit është akomodimi i haxhinjve që qëndrojnë në Mbretëri për të kryer Umren ose Haxhin. Për ta bërë më të rehatshëm qëndrimin e tyre, qeveria e Arabisë Saudite po merr masa të shpejta për të ofruar shërbime të klasit botëror.
Siç mund ta shihni, modeli i ardhshëm i Mesxhid al-Haram tregon shumë hotele që po ndërtohen rreth Qabesë dhe rrugëve që të çojnë direkt në Xhaminë e Madhe.
Aktualisht po zhvillohet ndërtimi rreth xhamisë për të akomoduar projektin e zgjerimit. Zgjerimi është pjesë e Saudi Vision 2030, kështu që ka më shumë gjasa që ne ta shohim modelin të bëhet realitet në vitin 2030./botaislame24
