Liritë fetare: Rusia në “listën e zezë” amerikane

Shtetet në listë, të njëjta si në vitin 2020

Shtetet e Bashkuara njoftuan të mërkurën se kishin shtuar Rusinë në listën e zezë të vendeve “veçanërisht shqetësuese” në lidhje me liritë fetare.

Vendet e tjera në listën për “kryerjen ose tolerimin e shkeljeve flagrante, sistematike dhe të vazhdueshme të lirisë fetare” janë të njëjta si në vitin 2020: Arabia Saudite, Mianmari, Kina, Koreja e Veriut, Eritrea, Irani, Pakistani, Taxhikistani dhe Turkmenistani.

Algjeria, Komoret, Kuba dhe Nikaragua janë vendosur në listën e vendeve “të mbikëqyrura”.

“Shtetet e Bashkuara nuk po heqin dorë nga angazhimi i tyre për të mbrojtur lirinë fetare për të gjithë dhe në çdo vend,” tha Blinken.

“Në shumë vende në mbarë botën, ne ende shohim qeveritë që ngacmojnë, arrestojnë, kërcënojnë, burgosin dhe vrasin njerëz vetëm sepse duan të jetojnë jetën e tyre në përputhje me besimin e tyre.”