Mohammad Zuhair, një pelegrin malajzian vdiq nga një atak në zemër në xhaminë e madhe në Meke. Burri rreth 50 vjeç gjithmonë e ‘donte’ një gjë të tillë!
Ai u nda nga jeta vetëm 12 orë pasi mbërriti në xhaminë e madhe në Mekë. Mohammad Zuhair, nga Alor Setar, Kedah, filloi udhëtimin me gruan e tij pasi kërkesa e tyre për haxhin në minutën e fundit u miratua papritur. Kur Zuhejri mbërriti në Mekë më 29 maj, ai përfundoi tavavin, që është rituali i ecjes rreth Qabes së shenjtë. Teksa po shkonte drejt Al Mas'aa, ku kryhet rituali Sa'i në Xhaminë e Madhe, ai papritmas u rrëzua nga një atak në zemër, raportoi Bernama.
Ai u dërgua shpejt në një klinikë në Xhaminë e Madhe dhe më pas u transferua në një spital saudit për trajtim të mëtejshëm, por fatkeqësisht u shpall i vdekur.
Fawzia, gruaja e Zuhair, tregoi një histori emocionale për largimin e tyre nga Kuala Lumpuri. Ajo përmendi se Zuhair kishte reflektuar nëse do të ktheheshin, ajo ndjeu se i shoqi gjithmonë kishte dashur të vdiste në Xhaminë e Madhe dhe mjerisht, dëshira e tij u realizua.
Namazi i xhenazes u bë në Mesxhidin Al-Haram pas namazit të Dhuhrit më 31 maj. Më pas Zuhair u varros në varrezat Al Sharayea të nesërmen pasdite. Zuhair ishte haxhiu i dytë malajzian i Haxhit që ndërroi jetë në Mekë këtë vit.
Më 24 maj, një pelegrin mashkull 72-vjeçar nga Kubang Pasu, Kedah, ndërroi jetë nga një enë gjaku e këputur në një spital në Mekë./bota-islame.com
