Nga Kristjan Pashollari12 Gush 2024 3.7k
Bota

Macron, Scholz dhe Starmer kërkojnë ndihmë urgjente për civilët në Gaza

Macron, Scholz dhe Starmer kërkojnë ndihmë urgjente për civilët në Gaza

Presidenti francez Emmanuel Macron, kancelari gjerman Olaf Scholz dhe kryeministri britanik Keir Starmer theksuan se është urgjente dhe e domosdoshme dërgimi i ndihmave për civilët në Gaza pa pengesa.

 

Në deklaratën e përbashkët, Macron, Scholz dhe Starmer shprehën mbështetjen e tyre për përpjekjet e ndërmjetësuara nga SHBA, Egjipti dhe Katari për të nisur bisedimet mes Izraelit dhe Hamasit mbi shkëmbimin e pengjeve dhe vendosjen e një armëpushimi në Rripin e Gazës.

Deklarata thekson se nuk ka kohë për vonesa në fillimin e negociatave dhe se po bëhen përpjekje për të parandaluar përshkallëzimin e mëtejshëm të tensioneve dhe për të gjetur një rrugë drejt stabilitetit. Konfliktet duhet të përfundojnë menjëherë dhe të burgosurit duhet të lirohen.

Deklarata gjithashtu shpreh shqetësimin për tensionet e rritura në rajon dhe nënvizon nevojën për uljen e tyre dhe sigurimin e stabilitetit rajonal. Liderët bënë thirrje veçanërisht Iranit dhe aleatëve të tij të shmangin veprimet që mund të përshkallëzojnë tensionet dhe të rrezikojnë mundësinë për armëpushim dhe lirimin e pengjeve. Ata paralajmëruan se çdo veprim që rrezikon paqen dhe stabilitetin do të ketë pasoja.

Në një deklaratë të përbashkët më 8 gusht, SHBA-ja, Egjipti dhe Katari bënë thirrje për rifillimin e negociatave mes Izraelit dhe Hamasit në Kajro ose Doha më 15 gusht, me qëllim arritjen e një armëpushimi dhe shkëmbimin e pengjeve në Gaza./bota-islame.com