Nga Kristjan Pashollari11 Maj 2023 6.3k
Bota

Ndërron jetë në aksident trafiku ish-Myftiu i Luginës së Preshevës

Ndërron jetë në aksident trafiku ish-Myftiu i Luginës së Preshevës

‎

Fikret Limani imam i xhamisë së Bardhë në fshatin Bushtran, kryetar i Mexhlisit të Bashkësisë Islame në Preshevë, ish Myfti i Luginës së Preshevës dhe profesor në Medresen e Luginës së Preshevës ka ndërruar jetë në një aksident trafiku.

Në një postim në profilin e Bashkësisë Islame të Kosovës jepet lajmi për vdekjen e të ndjerit.
Postimi i plotë :

"Të Allahut jemi dhe tek Ai do të kthehemi"

 

Njoftojmë kolegët, miqtë dhe opinionin e gjerë se mbrëmë, në një aksident trafiku, ka ndërruar jetë imami i fshatit Bushtran, Fikret ef. Limani.

 

Biografi e shkurtër

 

Fikret ef. Limani shkollimin fillor e kreu në vendlindje, për të vazhduar më pas mësimet në Medresenë "Alauddin" në Prishtinë. Më pastaj vazhdoi shkollimin e lartë në Fakultetin e Teologjisë Islame në Damask të Sirisë. Ai për disa vite punoi si imam në xhaminë e fshatit Bushtran, si dhe mësimdhënës në paralelen e Medresesë "Isa Beu" në Preshevë.

 

Lusim Zotin e Madhëruar që rahmetliun ta ketë mëshiruar dhe ta gradojë me Xhenet! /botaislame.com