Inaugurohet spitali i ri në Kosovë,i cili është donacion i Emirateve të Bashkuara Arabe.

Inaugurohet spitali i ri në Kosovë, u ndërtua nga Arabia

Është inauguruar sot Spitali për Fëmijë në Qendrën Klinike Universitare të Kosovës, i cili është donacion i Emirateve të Bashkuara Arabe.

Inaugurimin e tij, e bënë presidentja Vjosa Osmani dhe kryeministri Albin Kurti, bashkë me një delegacion të Emirateve të Bashkuara Arabe.

Kryeministri i vendit Albin Kurti, ka falënderuar Emiratet e Bashkuara Arabe, sipas tij për kontributin e çmuar ndaj shtetit të Kosovës.

Në inaugurimin e spitalit për fëmijë, Kurti u shpreh se përveç investimit në infrastrukturën shëndetësore, ky projekt është investim direkt edhe në shëndetin e fëmijëve në Kosovë.

Edhe Presidentja e vendit Vjosa Osmani, është shprehur mirënjohëse ndaj Emirateve të Bashkuara Arabe, me rastin e inaugurimit të sotëm në QKUK, të Spitalit për Fëmijë.