Ujgurët, edhe Kosova bojkoton Olimpiket e Kinës

Kosova vendosi të ndjekë pas tre shtete në precedentin e bojkotimit të Lojrave Olimpike të Pekinit, nën arsyetimin e shkeljes së të drejtave të njeriut në këtë vend, rasti i pakicës muslimane ujgure. Kjo është bërë e ditur nga këshilltari për median në Presidencën e Kosovës, Bekim Kupina.

“Presidentja Osmani mbështet vendimin e SHBA-ve për bojkotin diplomatik ndaj Kinës. Sikurse edhe homologët e saj nga ShBA-ja, Australia dhe Britania e Madhe, Presidentja Osmani shkaku i shkeljes së të drejtave të njeriut nga autoritetet kineze, do t`i bojkotoj Lojërat Olimpike Dimërore në Pekin”.

Por siç sqaroi ai, ky bojkot diplomatik, sikurse edhe i vendeve të tjera, nënkupton se ekipet garuese marrin pjesë në Lojëra, por që Presidentja e Kosovës do t’i bojkotojë të gjitha ceremonitë dhe aktivitete zyrtare për krerët e delegacioneve gjatë Lojërave Olimpike në Pekin.