Kamala Harris e nisi garën zgjedhore me një rekord donacionesh.

Zëvendës Presidentja e SHBA-së dhe kandidatja për presidente nga radhët e Demokratëve, Kamala Harris, ka pasur një deklaratë nga kreu i ekipit të saj të fushatës, Jen O'Malley Dillon, pas kongresit të Partisë Demokratike që u mbajt në qytetin e Çikagos.

540 MILIONË DOLLARË TË GRUMBULLUARA

Dillon njoftoi se gjatë kongresit katër-ditor, Harris arriti të shtojë 82 milionë dollarë në fondet e saj të fushatës, duke e çuar totalin e fondeve që nga kandidatura e saj më 21 korrik në 540 milionë dollarë.

200 MIJË VULLNETARË TË RINJ TË REGJISTRUAR

Dillon theksoi gjithashtu se gjatë kongresit, ka pasur një rritje të konsiderueshme të numrit të donatorëve, dhe që nga fillimi i kongresit, 200 mijë vullnetarë të rinj janë regjistruar për të mbështetur fushatën.

Dillon vuri në dukje se një e treta e donacioneve janë bërë nga njerëz që kontribuonin për herë të parë, dhe mes grupet më të mëdha të profesionistëve që bënin donacione janë mësuesit dhe infermierët.

ARRITI SHUMËN MË TË LARTË TË DONACIONEVE

Kongresi i Partisë Demokratike u mbajt në qytetin e Çikagos nga 19 deri më 22 gusht.

Pas shpalljes së kandidaturës së Presidentit Joe Biden për zgjedhjet presidenciale, Harris grumbulloi 81 milionë dollarë në 24 orët e para, duke vendosur një rekord për shumën më të lartë të donacioneve të mbledhura në një ditë të vetme.

Në Shtetet e Bashkuara, shuma e donacioneve dhe numri i donatorëve gjatë procesit zgjedhor presidencial ndiqen nga afër, pasi japin një ide mbi rezultatet e mundshme të zgjedhjeve./bota-islame.com