Studim: 41% e nxënësve në shkollat e Vjenës janë myslimanë, rritet përqindja ndërsa zvogëlohen krishterët

Sipas të dhënave të reja, myslimanët përbëjnë 41.2% të nxënësve në shkollat fillore dhe të mesme të Vjenës, duke u bërë grupi fetar më i madh. Kjo shifër është rritur lehtësisht nga 39.4% një vit më parë. Në të njëjtën kohë, fëmijët me besim të krishterë përbëjnë 34.5%, ndërsa 23% nuk kanë asnjë afiliim fetar.

Megjithatë, studimet tregojnë se të rinjtë myslimanë në Vjenë jo vetëm që janë mesatarisht më të përkushtuar fetarisht, por gjithashtu shpesh mban qëndrime diskriminuese ndaj komuniteteve të tjera. Regjistrohen raste të antisemitizmit, urrejtjes ndaj komunitetit LGBTIQ dhe rezistencës ndaj barazisë gjinore.

Bettina Emmerling (NEOS), këshilltare e arsimit, theksoi nevojën për dialog ndërfetar dhe edukim për vlerat demokratike. Ajo propozoi futjen e një lënde të detyrueshme, "Jetesa në Demokraci", që nga shkolla fillore, për të promovuar respektin, pluralizmin dhe barazinë. Ministri i arsimit Christoph Wiederkehr ka nisur tashmë përgatitje për këtë nismë.

Ky trend ka nxitur debat në Austri, ku disa theksojnë rëndësinë e integrimit, ndërsa të tjerë shprehen të shqetësuar për sfidat e shumëkulturalizmit.

Burimi: https://bit.ly/3Y37FS8