Ish kryeministri akuzon Netanyahun për “shpallje lufte ndaj vetë Izraelit

Ehud Barak, ish-kryeministër i Izraelit, ka akuzuar Benjamin Netanyahun për “shkatërrim të brendshëm të Izraelit”, duke e përshkruar situatën aktuale si një luftë kundër vetë shtetit të Izraelit.

Ai e akuzon Netanyahun se po përdor pushtetin për të shmangur përgjegjësinë dhe për të sabotuar një komision zyrtar hetimor mbi ngjarjet e 7 tetorit 2023 – që përfshijnë sulmin e Hamasit dhe përgjigjen izraelite.

Barak thotë se Netanyahun po dëmton rëndë imazhin dhe kapacitetet e Izraelit, si dhe po shkatërron demokracinë dhe reputacionin ndërkombëtar të shtetit.

Ai thekson:
“Izraeli është realisht në prag të kolapsit. Demokracia e tij dhe pozita ndërkombëtare janë në rrezik, dhe [Kryeministri] Netanyahu është përgjegjës.”

Kjo deklaratë pason presionin në rritje ndaj qeverisë Netanyahu nga brenda vetë Izraelit, për transparencë lidhur me paaftësinë për të parandaluar sulmin e Hamasit dhe trajtimin e pasojave të tij.

Netanyahut i janë bërë thirrje të vazhdueshme që të krijojë një komision të pavarur hetimor, por ai vazhdon ta shmangë një hap të tillë, gjë që shihet si përpjekje për të ruajtur pozitën e tij politike dhe për të mos u përballur me përgjegjësi ligjore ose morale.